Ko te kāinga me te kura hei pārekereke mō ngā tamariki mā rātou tā tātou kaupapa e waha i roto i ngā tau kei te heke mai. Nā konā a Te Aho Tū Roa i tautoko ai i ngā kura kia tipu ai ā tātou tamariki i roto i te ngākaunui ki te ao tūroa. Tomo mai kia kitea ētahi o ngā mahi kei roto i ngā kura me te pēhea o te tūhono mai o ngā kura.
Tēnā koutou kei ngā kaiwhiri i Te Aho Tū Roa e tūhonohono nei i a tātou i roto i ngā āhuatanga hei oranga taiao, hei oranga tangata, hei oranga iwi anō hoki.
I hua mai a Te Aho Tū Roa i ngā kaupapa mō te taiao. Ko Enviroschools ki tētahi kīwei, ā, ko Te Mauri Tau ki tētahi kīwei. Ka mutu, e kawea nei i roto i te Reo Māori, i te āhua o te titiro o Ngai Tāua te Māori ki te ao. Heoi, he tautoko te mahi – mā te whakangungu tangata, mā te hanga rauemi, mā te whakatōpū i te hunga e mahi tahi nei i roto i nga kura, otirā i te hapori nui tonu, tae rawa atu ki te tautoko i ngā kaupapa kei te mata o te whenua e haere ana. Ka mutu, ko te wāhi ki a mātou he whakatairanga i ngā kaupapa e tau ai te mauri o te taiao, ā, e whakapiki hoki nei i te waiora o te tangata.
Tēnei a Te Mauri Tau rāua ko Enviroschools te pōwhiri atu ki a koutou e minamina mai ana ki tēnei kaupapa kia tāpiri mai ki te whiri i te aho nei kia mārō, kia ita.
He aha ngā tino whenu o Te Aho Tū Roa i roto i te whai kia tutuki i te āhua ki te hauora?
He aha ngā tukanga a Te Aho Tū Roa?
Kura
Kōtuia!
Ko Kōtuia tērā e tuitui nei i te hunga rangatahi mā roto i ngā mahi o te whare tapere hei wherawhera i ngā korero tuku iho mō ō rātou toi whenua. Whakapā mai ki konei mō ngā korero mō Kōtuia.
Rauemi
Hangā mai ai e mātou ētahi rauemi hei whakamahinga mā ngā ringaringa me ngā waewae o te kaupapa. Tērā rānei te whakairihia o ngā rauemi a tēnā kura, a tēnā kura i runga i te pae tukutuku nei hei hopukanga mai mā te katoa. Tirohia mai ngā rauemi a Te Aho Tū Roa.
Whakangungu
Mā te whakangungu mārire te tangata e tau ai i roto i ngā āhuatanga o Te Aho Tū Roa. Mā konei ka mārama ki ōna tukanga me te āhua o ōna rauemi. Kuhu mai ki konei mō ngā whakamārama mō te whakangungu.
